आदिकवि भानुभक्तको सालिक तोडफोड गर्ने व्यक्ति पक्राउ

काठमाडौँ । लमजुङ जिल्लाको मध्यनेपाल नगरपालिका–४, दुर्दीपुलस्थित बौद्धा रिस्ती खोला पुल नजिक रहेको भानु घाँसी संवाद पार्कमा स्थापित आदिकवि भानुभक्त आचार्य र वीरगञ्जवासी खड्कबहादुर थापाको सालिक तोडफोड गरी क्षति पुर्‍याएको आरोपमा प्रहरीले एक जनालाई पक्राउ गरेको छ।

जिल्ला प्रहरी कार्यालय लमजुङका अनुसार साउन ७ गते राति भएको उक्त तोडफोडको घटनाको अनुसन्धानका क्रममा तनहुँको व्यास नगरपालिका–७ स्थायी बासिन्दा भई हाल लमजुङमा बस्दै आएका २४ वर्षीय रोशन कुँवरलाई नियन्त्रणमा लिइएको हो।