राष्ट्र बैंकको निर्देशिका, वालेट खोल्न अब राष्ट्रिय परिचयपत्र अनिवार्य

काठमाडौँ । नेपाल राष्ट्र बैंकले भुक्तानी सेवा प्रदायक संस्थाहरूले ‘वालेट’ खोल्ने तथा प्रयोगकर्ताको विवरण अद्यावधिक गर्ने प्रक्रियामा राष्ट्रिय परिचयपत्रसम्बन्धी व्यवस्था समेट्दै भुक्तानी प्रणालीसम्बन्धी एकीकृत निर्देशिका, २०८२ मा १५औँ संशोधन गरेको छ।

भुक्तानी प्रणाली विभागले जारी गरेको परिपत्रअनुसार अब भुक्तानी सेवा प्रदायक अनुमतिप्राप्त संस्थाले नेपाली नागरिकका हकमा राष्ट्रिय परिचयपत्रको विद्युतीय अभिलेखअनुसारको विवरण यकिन गरेर मात्र वालेट खोल्नुपर्नेछ।