रोगले थलिएका मुसहर परिवारको सहयोगले पलायो आशा

सुन्दरहरैँचा (मोरङ) । मोरङको सुन्दरहरैँचा नगरपालिका–५ स्थित नमुना टोल मुसहर बस्तीमा रोग र अभावसँग संघर्ष गरिरहेका दुई परिवारलाई सामाजिक अभियन्ता कृष्णकुमार घिमिरे, सामाजिक व्यक्तित्व महेन्द्र कार्की तथा ‘सहयोगी मनहरू’ नामक संस्थाले मानवीय सहयोग गरेका छन्।

लामो समयदेखि रोगका कारण कष्टकर जीवन बिताइरहेका हल्सा मुसहर र पवित्र ऋषिदेवलाई नगदसहित खाद्यान्न सहयोग प्रदान गरिएको हो। सहयोगले आर्थिक अभावमा उपचार र दैनिक जीवन सञ्चालन गर्न कठिनाइ भोगिरहेका यी परिवारमा केही राहत पुगेको स्थानीयवासीले बताएका छन्।