कंगोमा इबोलाका कारण मृत्यु हुनेको संख्या १३ सय नाघ्यो

काठमाडौँ- प्रजातान्त्रिक गणतन्त्र (डीआर) कंगोमा फैलिएको इबोला महामारीका कारण मृत्यु हुनेको संख्या एक हजार ३०९ नाघेको अलजजिराले जनाएको छ । सरकारी तथ्यांकअनुसार केवल पाँच दिनमै मृत्युदर ४० प्रतिशतभन्दा बढीले बढेको छ। एक प्रमुख जनस्वास्थ्य विज्ञले भाइरस डढेलो जसरी फैलिरहेको चेतावनी दिएका छन्।

सरकारले शनिबार सार्वजनिक गरेको अद्यावधिक विवरणअनुसार बिहीबारसम्म मृतकसहित पुष्टि भएका संक्रमितको कुल संख्या दुई हजार ९७३ पुगेको छ। यो अघिल्लो शनिबारको तथ्यांकको तुलनामा २७ प्रतिशत बढी हो।