एआई लाइभ ट्रान्सलेटर फिचरसहित रियलमीका नयाँ इयरबड्स र ११ हजार पर्ने स्मार्ट वाच नेपाली बजारमा

काठमाडौँ । चिनियाँ प्रविधि ब्रान्ड रियलमीले नेपाली बजारमा आफ्नो एआईओटी इकोसिस्टमलाई थप सुदृढ बनाउँदै नयाँ स्मार्ट वेयरेबल उपकरणहरू सार्वजनिक गरेको छ । प्रयोगकर्ताहरूलाई उत्कृष्ट अडियो र आधुनिक प्रविधिसँग जोडिएको जीवनशैलीको अनुभव प्रदान गर्न डिजाइन गरिएका यी नयाँ उत्पादनहरू नेपाली बजारमा उपलब्ध गराइएको हो ।

कम्पनीले विभिन्न मूल्य दायरामा उत्कृष्ट विकल्पहरू प्रदान गर्दै रियलमी बड्स टी-१००, बड्स टी-२००, बड्स टी-५०० प्रो र रियलमी वाच डब्लू-५ नेपाली बजारमा सार्वजनिक गरेको छ ।