डीपफेकविरुद्ध अदालत पुगिन्

एआई (कृत्रिम बुद्धिमत्ता) प्रयोग गरेर आफ्नो अनुहार, आवाज र पहिचानको दुरुपयोग भएको आरोप लगाउँदै बलिउड अभिनेत्री प्रीति जिन्टा बम्बई उच्च अदालत पुगेकी छन्। उनको निवेदनमाथि प्रारम्भिक सुनुवाइ गर्दै अदालतले गुगल र मेटालाई अधिकार उल्लंघन गर्ने डीपफेक सामग्री हटाउन प्रभावकारी संयन्त्र विकास गर्न निर्देशन दिएको छ।

अदालतले सम्बन्धित सबै पक्षलाई समन्वय गरेर उजुरी प्राप्त भएपछि अधिकार उल्लंघन गर्ने सामग्री छिटो हटाउन सकिने व्यावहारिक प्रणाली तयार गर्न भनेको छ। साथै, वैध र कानुनी सामग्री अनावश्यक रूपमा प्रभावित नहुने व्यवस्था गर्न पनि जोड दिएको छ।