सुमनकुमार र समीक्षाको झरीले कतै

गायक सुमनकुमार श्रेष्ठले नयाँ सांगीतिक कोशेली झरीले कतै सार्वजनिक गरेका छन्। गायिका समीक्षा अधिकारीसँगको युगल स्वरमा सजिएको गीत यसको भिडियोसति गायक सुमनकुमार श्रेष्ठको आधिकारिक युट्युब च्यानलमार्फत सार्वजनिक गरिएको हो।

रोमान्टिक भाव बोकेको गीतमा डा. राजुबाबु श्रेष्ठको शब्द तथा राजनराज शिवाकोटीको संगीत रहेको छ। चन्द सिंहले संगीत संयोजन गरेको गीतलाई किशोर थापाले मिक्सिङ तथा मास्टरिङ गरेका छन्। गीतको भिडियोमा सुरेन्द्र दियाली र सुहाना क्षेत्रीको अभिनय रहेको छ। उनीहरूको प्रेमभावलाई केन्द्रमा राखेर तयार गरिएको भिडियोले प्रेम, आकर्षण र भावनात्मक सम्बन्धका विभिन्न आयामलाई दृश्यमा उतार्ने प्रयास गरेको छ। भिडियोमा गायक सुमनकुमार पनि देखिएका छन्।