छाउप्रथा विरुद्ध हलीको विद्रोँह

आगामी साउन २२ गते रिलिजमा आउने फिल्म हलीले छाउप्रथा जस्तो कुरीतिमाथि प्रहार गर्दै सामाजिक परिवर्तनको सशक्त सन्देश दिएको छ।

शुक्रवार सार्वजनिक फिल्मको ट्रेलरले पश्चिम नेपालमा विद्यमान अन्धविश्वास र त्यसका कारण महिलाले भोग्नुपरेको विभेदलाई केन्द्रमा राखेको छ। ओएसआर डिजिटल युट्युब च्यानलमार्फत सार्वजनिक ट्रेलरमा महिनावारी भएकै कारण किशोरीलाई विद्यालय जानबाट रोकिएको, पहिलो पटक रजस्वला हुदा छाउगोठमा राख्ने चलन तथा २१ दिनसम्म बुबा र पुरुष सदस्यको अनुहार हेर्न नहुने जस्ता कुरीतिलाई मार्मिक ढंगले चित्रण गरिएको छ।