इरानमाथि आक्रमण रोकिएपछि ट्रम्प प्रशासनमै मतभेद, उपराष्ट्रपति र सेना प्रमुख लामो युद्धमा फस्न नहुने पक्षमा उभिए

काठमाडौं । इरानमाथि लगातार रातभरि हुने अमेरिकी सैन्य आक्रमण अस्थायी रूपमा रोकिएको बेला राष्ट्रपति डोनाल्ड ट्रम्पको प्रशासनभित्र युद्ध थप चर्किन सक्ने जोखिमलाई लिएर उच्च तहमा मतभेद देखिएको अमेरिकी सञ्चारमाध्यम सीएनएनले जनाएको छ।

सीएनएनका अनुसार उपराष्ट्रपति जेडी भान्स र अमेरिकी सेनाका संयुक्त चीफ अफ स्टाफका अध्यक्ष जनरल ड्यान केनले इरानसँगको सैन्य द्वन्द्व थप विस्तार हुन सक्ने सम्भावनाप्रति चिन्ता व्यक्त गरेका छन्। उनीहरूले युद्ध लामो समयसम्म फैलिन सक्ने जोखिम र त्यसका सम्भावित रणनीतिक परिणामबारे प्रशासनभित्र छलफल गरेका स्रोतहरूले बताएका छन्।