पन्छी रुघा अर्थात् बर्ड फ्लुको त्रास

सदर चिडियाखाना जावलाखेलमा बर्ड फ्लु (एच फाइभ एन वन) को संक्रमण पुष्टि भएपछि सूचना लुकाएको आरोपमा छानबिन समिति बनाई चिडियाखानाका प्रमुखलाई पदबाट गत असार ६ गते हटाइयो।त्यसो त २०८२ को चैत ४ गते मोरङमा पुष्टि भएसँग देशका ११ जिल्लाका १ सय बढी स्थानमा संक्रमण फैलिई ठूलो संख्यामा पशुपन्छी र करोडौं धनको क्षति भएको छ।काठमाडौं उपत्यकाका विभिन्न स्थानमा समेत संक्रमण पुष्टि भएका छन्।

नेपालमा पहिलोपटक कुखुरामा बर्ड फ्लु संक्रमण सन् २००९ देखिएपछि हरेक वर्ष जसो प्रकोप देखिँदै आएको छ।धेरै किसानले क्षतिपूर्ति नपाउँदा धेरैले पेसा छोडेका छन्।सन् २०१९ मा मानिसमा पनि देखा परेको थियो।काभ्रेका २१ वर्षीय कुखुरा ओसारपसार गर्ने ट्रकका चालकमा संक्रमणबाट मृत्युसमेत भएको थियो।