बाढीबाट क्षतिग्रस्त पूर्वाधारको मूल्यांकनका लागि सबै ड्रोन प्रयोग गरौं : ऊर्जामन्त्री श्रेष्ठ

ऊर्जा, जलस्रोत तथा सिँचाइ मन्त्री विराज भक्त श्रेष्ठले रसुवा बाढी प्रभावित क्षेत्रमा ड्रोन टेक्नोलोजी प्रयोग गरेर क्षतिको मूल्यांकन गर्नुपर्ने बताएका छन्।

शनिबार राष्ट्रिय विपद् जोखिम न्यूनीकरण तथा व्यवस्थापन प्राधिकरणको बैठकलाई सम्बोधन गर्दै मन्त्री श्रेष्ठले प्रभावित क्षेत्रमा आवश्यक स्रोत साधन जुटाउनमा केन्द्रित हुन निर्देशन दिए। ‘फिल्डमा के आवश्यक पर्छ, त्यो स्रोतसाधनहरू जुटाउने गरी प्राधिकरणको स्कोप अगाडि बढाउनुपर्छ,’ उनले भने।