भेटिइसके ७३४ शव, देशभरका अस्पतालमा ६०० को क्षमता : शवलाई जमिनमुनि गाड्ने निर्णय कति ठीक ?

काठमाडौं - बाढीपहिरोमा परी मृत्यु भएकामध्ये फेला परेका शवको संख्या ७३४ पुगेको छ। तर देशभरका अस्पतालमा एकैपटक राख्न सकिने शवको क्षमता करिब ६०० मात्रै रहेको स्वास्थ्य तथा खाद्य स्वच्छता मन्त्रालयले जनाएको छ।

मन्त्रालयका अनुसार फेला परेका धेरै शव सग्लो अवस्थामा छैनन्। कतिपय बाढीको बहावले टुक्रिएका छन्। अनुहार र शरीरको स्वरूपबाट तत्काल पहिचान गर्न सकिने देखिदैन। अझै कति शव फेला पर्ने हुन् भन्ने पनि यकिन छैन।