वर्षामा पनि धमाधम बन्दै विपी राजमार्ग : यात्रा भने जोखिमपूर्ण

विपी राजमार्गको पुनर्निर्माण तीव्र गतिमा भए पनि राजमार्गको यात्रा अझै जोखिमपूर्ण छ। दुई वर्षअघि रोशी खोलामा आएको बाढीले क्षतिग्रस्त बनाएको विपी राजमार्गमा यात्रा अझै जोखिमपूर्ण रहेको हो। रोशी खोला क्षेत्रमा यात्रुले सास्ती, हैरानी तथा जोखिम सामना गर्नुपरेकाले यात्रा गर्दा बाढी–पहिरोको अवस्थालाई मध्यनजर गरेर यात्रा गर्नुपर्ने अवस्था कायमै छ।

पूर्वी तथा मध्यपहाडी क्षेत्रलाई संघीय राजधानी काठमाडौंसँग जोड्ने मुख्य सडकका रूपमा रहेको राजमार्गको क्षतिग्रस्त खण्डमा पुनर्निर्माणलाई तीव्रता दिइएको छ। वर्षायाममा यातायात अवरुद्ध नहोस् भन्ने उद्देश्यले अस्थायी संरचना तथा वैकल्पिक ट्र्याक निर्माणको काम भए पनि यात्रा अझै जोखिमपूर्ण देखिएको छ।