रास्वपाका सांसदमाथि दुर्व्यवहार बढ्दो,कालो मसी छ्याप्नेदेखि ‘कुपनमा परेको’ भन्दै अपमानसम्म

काठमाडौँ । राष्ट्रिय स्वतन्त्र पार्टीका प्रतिनिधि सभा सदस्यहरूमाथि दुर्व्यवहार बढ्न थालेको छ । पछिल्लो केही दिनयता सांसदलाई बाटो छेक्ने, कालो मसी छर्कने र होच्याउने जस्ता गतिविधि भएको छ ।

साउनको पहिलो हप्ता सांसद धनञ्जय रेग्मी आफ्नो निर्वाचन क्षेत्र स्याङ्जा–१ मा स्थानीय बासिन्दाहरूसँग भेटघाटका क्रममा हिँडिरहेका बेला ‘विकासका नयाँ योजनाहरू नलिई किन गाउँ आएको ?’ भन्दै बाटो छेकेका थिए ।