नारायणी अस्पतालमा बिरामीको मृत्युको घटना छानबिन गर्न पाँच सदस्यीय समिति गठन

काठमाडौँ । नारायणी अस्पतालमा शनिबार उपचारका क्रममा एक बिरामीको मृत्यु भएपछि उत्पन्न परिस्थितमा छानबिन गर्न पाँच सदस्यीय समिति गठन गरिएको छ।

अस्पतालको आकस्मिक कक्षमा उपचाररत वीरगञ्ज महानगरपालिका–२५ का ४५ वर्षीय राजकुमार पटेलको मृत्यु भएपछि आफन्तले चिकित्सक र अस्पताल प्रशासनको लापरबाहीका कारण ज्यान गएको आरोप लगाउँदै प्रदर्शन गरेका थिए। अक्सिजनमा रहेका बिरामीलाई स्थानान्तरण गर्ने क्रममा अक्सिजन हटाइएका कारण मृत्यु भएको आफन्तको दाबी छ।