बेँसी खेतमा बेठी लगाएर रोपाइँ (फोटो फिचर)

१० साउन, पाँचथर । फिदिम–५ को मतानेबेँसीमा बजाइएको नौमतीबजाको मिठो धुन गुञ्जीरहेको थियो । यहि धुनमा रमाउँदै रोपाहार धानको बिउ रोप्दै रमाउँदै थिए । बाहुसे पनि उस्तै, बाजाकै तालमा चारहल गोरुलेले दाँदे लगाउँदै थिए ।

फिदिम–४ का लक्ष्मीप्रसाद चापागाईको खेतमा बेठी लगाएर रोपाइँ हुँदै गर्दाको को दृश्य हो यो । घरबाटै बाजागाजासहित रोपाहार, हली, बाहुसेको टोली बेँसी खेत पुगेको थियो । बेँसीमा नौमती बजा बजाउँदै रोपाइँ भइरहेको थियो । नयाँ पुस्ता निक्कै रमाएका थिए । बेला बेला गीत पनि सुनिन्थ्यो । हिलो खेल्दै, नाच्दै रमाइलो गरेको पनि देखिन्थ्यो । केहि दिन अगाडिनै रोपाइँको खबर पाएकाले बेँसीमा ठुलो संख्या उपस्थिति थियो ।