'रामायण'का मेकरहरूले बाँडेका हुन् सुनको शङ्ख ?

स्यान डिएगो । बलिउड अभिनेता रणबीर कपूर र कन्नड अभिनेता यश अभिनीत बहुप्रतीक्षित फिल्म रामायणलाई लिएर नयाँ चर्चा सुरु भएको छ । हालै अमेरिकाको स्यान डिएगोमा आयोजित स्यान डिएगो कमिक–कन (एसडीसीसी) २०२६ मा फिल्मको विशेष प्रस्तुति गरिएको थियो । त्यहाँ प्रदर्शन गरिएको ट्रेलरले दर्शकबाट सकारात्मक प्रतिक्रिया पाएको भनिए पनि यसलाई अहिलेसम्म सार्वजनिक गरिएको छैन ।

करिब ४ हजार करोड रुपैयाँको बजेटमा निर्माण भइरहेको यस फिल्मको प्रचार–प्रसारमा निर्माण पक्षले विशेष ध्यान दिएको छ । यसैबीच, कमिक–कन कार्यक्रममा सहभागीहरूलाई सुनौलो शंख उपहारस्वरूप वितरण गरिएको दाबी गर्दै सामाजिक सञ्जालमा एउटा भिडियो भाइरल भएको छ ।