ह्याम्स अस्पताल र म्याक्स सुपर स्पेशालिटी अस्पतालबीच रणनीतिक सहकार्य

काठमाडौं- ह्याम्स अस्पतालले भारतको नयाँ दिल्लीस्थित म्याक्स सुपर स्पेशालिटी अस्पताल, साकेतसँग रणनीतिक सहकार्यको घोषणा गरेको छ। यस सहकार्यमार्फत जटिल रोगका नेपाली बिरामीलाई अन्तर्राष्ट्रियस्तरको विशेषज्ञ स्वास्थ्य सेवामा सहज पहुँच उपलब्ध गराउने लक्ष्य राखिएको अस्पतालले जनाएको छ।

काठमाडौंस्थित र्‍याडिसन होटलमा आयोजित ‘कार्डियाक तथा थोरेसिक शल्यचिकित्सामा हालका प्रगतिहरू’ विषयक निरन्तर चिकित्सा शिक्षा कार्यक्रममा उक्त सहकार्यको औपचारिक घोषणा गरिएको हो।