गेटा अस्पताललाई कम्तीमा ३०० शय्यामा सञ्चालन गर्नु अनिवार्य : प्रदीप पौडेल

काठमाडौं । नेपाली कांग्रेसका महामन्त्री एवं पूर्वस्वास्थ्यमन्त्री प्रदीप पौडेलले कैलालीको गेटा अस्पताललाई कम्तीमा ३०० शय्या क्षमतामा सञ्चालन गरिनुपर्ने बताएका छन् । आइतबार (साउन १०) सामाजिक सञ्जालमार्फत उनले यसबारे आफ्नो धारणा सार्वजनिक गरेका हुन् ।

“दशरथ चन्द स्वास्थ्य विज्ञान विश्वविद्यालय सञ्चालनका लागि सर्वप्रथम गेटा अस्पताललाई कम्तीमा ३०० बेडको क्षमतामा सञ्चालन गर्नु अनिवार्य छ,” उनले फेसबुकमा लेखेका छन्, “प्रदेश सरकारले पूर्वस्वीकृति दिइसकेको सेती प्रादेशिक अस्पताललाई यसमा गाभेर स्वास्थ्य मन्त्रालयकै जनशक्ति परिचालन गर्ने हो भने अत्यन्त न्यून लागतमा यो काम सम्पन्न गर्न सकिन्छ ।”