शहीद दशरथचन्द स्वास्थ्य विज्ञान विश्वविद्यालयका उपकुलपति र रजिस्ट्रार नियुक्ति विवादमा

धनगढी । शहीद दशरथचन्द स्वास्थ्य विज्ञान विश्वविद्यालयका उपकुलपति र रजिस्ट्रार नियुक्ति विवादमा तानिएको छ । स्वार्थ बाझिने व्यक्तिलाई राजनीतिक पहुँच र प्रभावका आधारमा नियुक्त गरिएको भन्दै विरोध भइरहेको छ ।

चिकित्सा शिक्षामा सुधारको माग गर्दै अनशनरत अभियन्ता डा. गोविन्द केसीले समेत नियुक्तिको विरोध गरेका छन् । उनले भनेका छन्, ‘सरकारी अस्पताल र विश्वविद्यालयमा निजी मेडिकल कलेजका मालिक र दलालहरूलाई पदाधिकारी नियुक्त गरिनु भनेको गेटालाई सिध्याउनु हो । मेडिकल माफियाले विश्वविद्यालय कब्जा गरेका छन्, यसले चिकित्सा शिक्षाको गुणस्तरलाई ध्वस्त पार्नेछ ।’