प्रचण्डबाट आङ्बोलाई जहिल्यै धोखा !

विराटनगर । नेपाली कम्युनिस्ट पार्टी (नेकपा)का अध्यक्ष पुष्पकमल दाहालबाट एक पटक पुनः आफ्नै पार्टीको कोशी प्रदेशसभा संसदीय दलका नेता इन्द्रबहादुर आङ्बोलाई धोखा भएको छ । पटक–पटक मुख्यमन्त्रीको अवसर पाउने अवस्थामा पनि प्रचण्डले अरू पार्टीकै नेतृत्व स्वीकार गरिदिँदा आङ्बोमाथि धोखा भएको मान्नेहरू धेरै छन् ।

२०७४ सालको पहिलो प्रदेशसभा निर्वाचनमा आङ्बो पाँचथरबाट निर्वाचित भए । त्यसपछि उनी २०७४ फागुन ३ गते मुख्यमन्त्री शेरधन राईको मन्त्रीमण्डलमा आर्थिक मामिला तथा योजना मन्त्री बनेका थिए । आङ्बो आर्थिक मामिला मन्त्री हुँदा उनकै मन्त्रालयले प्रदेश सरकारमा हाबी र प्रभावी भयो ।