कास्की प्रहरीको ‘स्वीप अपरेसन’, एकै दिन ४० जना कारबाहीमा

पोखरा । समाजमा अवैध गतिविधि, गुण्डागर्दी र शान्तिसुरक्षामा खलल पुर्‍याउने कार्यविरुद्ध कास्की प्रहरीले सञ्चालन गरेको ‘स्वीप अपरेसन’अन्तर्गत शनिबार जिल्लाका विभिन्न स्थानबाट ४० जनालाई नियन्त्रणमा लिई कारबाही गरिएको छ ।

वडा प्रहरी कार्यालय बैदामबाट खटिएको टोलीले पोखरा महानगरपालिका–१७ दोबिल्लामा जाँच गर्दा मादकपदार्थ सेवन (मापसे) गरी सवारीसाधन चलाउने दुईजना र ट्राफिक नियम उल्लंघन गर्ने आठजनालाई कारबाही गरिएको हो ।