जेलेन्स्कीको दाबी : रूसले उत्तर कोरियासँग ३० हजार थप सैनिक माग्यो

युक्रेनका राष्ट्रपति भोलोदिमिर जेलेन्स्कीले रूसले आफ्नो देशसँग लड्न उत्तर कोरियाबाट थप ३० हजार सैनिक र मिसाइल लन्चरहरू मागेको दाबी गरेका छन्।

जेलेन्स्कीले शनिबार राति सामाजिक सञ्जाल पोस्टमार्फत युक्रेनसँगको सिमाना नजिकै रहेको रूसको भोरोनेज क्षेत्रमा अतिरिक्त सेनाको तयारी भइरहेको बताएका हुन्। उत्तर कोरियाले सन् २०२४ मा कुर्स्क क्षेत्रमा भएको युक्रेनी प्रतिआक्रमणको सामना गर्न रूसलाई मद्दत गर्न हजारौँ सेना पठाएको थियो। सन् २०२२ देखि रूसको आक्रमणलाई सहयोग गर्न उसले हतियार पनि उपलब्ध गराएको छ।