एमालेमा ओलीको विकल्प खोज्दै पूर्वअखिल : व्यक्ति होइन, पार्टी जोगाउन सामूहिक आह्वान

काठमाडौँ । नेकपा (एमाले) भित्र अहिले एउटा प्रश्न विस्तारै छलफलको विषयबाट बलियो एजेन्डामा रूपान्तरण हुँदै गएको छ- पार्टीलाई एकै व्यक्तिको वरिपरि घुमाइरहने कि नेतृत्व हस्तान्तरणमार्फत नयाँ ऊर्जा खोज्ने ?

एमालेको विद्यार्थी आन्दोलनबाट उदाएका, आन्दोलनको कठिन समय भोगेका, सङ्गठन निर्माण गरेका र अहिले पार्टीको विभिन्न तहमा रहेका नेताहरूको ठूलो पङ्ति नेतृत्व हस्तान्तरणको पक्षमा उभिएको छ । उनीहरूको साझा निष्कर्ष छ-पार्टी जोगाउने हो भने नेतृत्व बदल्नैपर्छ ।