एमबीएस प्रश्नपत्र लिक प्रकरणः कसरी हुँदै छ छानबिन ?

काठमाडौँ । त्रिभुवन विश्वविद्यालय (त्रिवि) स्नातकोत्तर तहको ‘अर्गनाइजेशनल बिहेभियर’ विषयको प्रश्नपत्र लिक प्रकरणमा छानबिन प्रक्रिया अघि बढेको छ ।

त्रिवि व्यवस्थापन संकायको डिन कार्यालयले गठन गरेको छानबिन समितिले केन्द्रीय अनुसन्धान ब्युरो (सीआईबी) को समन्वयमा छानबिन सुरु गरेको हो । समितिका संयोजक प्राडा अच्युत वाग्लेले डिन कार्यालयबाटै छानबिनको काम सुरु हुने र समितिलाई सात दिनको समय दिइएको जानकारी दिए ।