बागमती सरकार निर्माणमा नेकपा र एमालेको जुरेन भाखा, टिकाउन खोज्दै कांग्रेस

हेटौँडा । सत्ता गठबन्धन परिवर्तनसँगै बागमती प्रदेशमा नयाँ सरकार गठन प्रक्रिया तत्काल अघि बढ्ने अवस्था देखिँदैन । विशेषगरी अंकगणितीय रूपमा नेकपा एमाले र नेकपाको गठबन्धनबाट सरकार निर्माण गर्न साना दलहरू निर्णायक बनेपछि सरकार गठनमा जटिलता देखिएको हो ।

सत्ता गठबन्धनमा बागमती सरकारको नेतृत्व एमालेले गर्ने सहमति छ भने नेकपा प्रमुख साझेदार दलका रूपमा रहनेछ । २५ सांसद रहेको एमालेको नेतृत्वमा सरकार बनाउन २६ सांसद रहेको नेकपाको समर्थन मात्र पर्याप्त हुँदैन । त्यसैले एमालेको नेतृत्वमा सरकार गठन गर्न राप्रपालगायत अन्य दलहरू निर्णायक हुने देखिन्छ । सत्ता गठबन्धनमा राप्रपा सामेल हुनेरनहुने अझै निश्चित भइनसकेकाले बागमतीमा नयाँ सरकार निर्माण हुन केही समय लाग्ने भएको छ ।