ओलीलाई योगेशको प्रश्न : पटकपटक एकै गल्ती, जवाफदेहिता खोई ?

नेकपा एमाले र कांग्रेसबिचको गठबन्धन तोडिएर नयाँ राजनीतिक समीकरण बनेपछि एमाले उपमहासचिव योगेश भट्टराईले आपत्ति जनाएका छन्। उनले सामाजिक सञ्जाल एक्समार्फत पार्टीभित्रै पारदर्शिता र सहभागिता नभएको भन्दै कडा असन्तुष्टि व्यक्त गरेका हुन्।

भट्टराईले सामाजिक सञ्जालमा लेखेका छन्, ‘आ-आफ्ना पार्टीमा रडाको, उही छापामार शैली, छैन सहभागिता, छैन पारदर्शिता, नियत र प्रक्रियामा प्रश्नै प्रश्न, पटकपटक उही गल्ती, जवाफदेहिता खै ?’ एमाले र नेपाली कांग्रेसबिचको गठबन्धन तोडिएर नेपाली कम्युनिस्ट पार्टीसँग प्रदेश सरकारमा गठबन्धन गर्ने सहमति भएपछि उनको यो भनाइ बाहिर आएको हो।