‘स्ट्रेट अफ हर्मुज’ व्यवस्थापनबारे ओमानसँग भएको वार्तामा प्रगति: इरान

इरानले रणनीतिक ‘स्ट्रेट अफ हर्मुज’ व्यवस्थापन तथा त्यहाँबाट पानीजहाजको सुरक्षित आवतजावत सुनिश्चित गर्ने विषयमा ओमानसँग भएको वार्तामा प्रगति भएको जनाएको छ। तेल तथा ग्यासको अन्तरराष्ट्रिय व्यापारका लागि महत्त्वपूर्ण मानिने उक्त जलमार्ग इरान र ओमानको जलक्षेत्रसँग जोडिएको छ।

इरानी विदेश मन्त्रालयका प्रवक्ता इस्माइल बकाईले शुक्रबार र शनिबार तेहरानमा इरान र ओमानका उपविदेशमन्त्रीबिच वार्ताका विभिन्न चरण सम्पन्न भएको बताएका छन्।