वैदेशिक रोजगार व्यवसायी संघको निर्वाचनमा त्रिपक्षीय भिडन्त: भुर्तेल, पाण्डे र खत्रीबीच कडा प्रतिस्पर्धा, व्यवसायीको रोजाइमा भुर्तेल नेतृत्वको प्यानल

काठमाडौं- नेपाल वैदेशिक रोजगार व्यवसायी संघको विशेष साधारणसभा तथा नयाँ नेतृत्व चयनका लागि आइतबार हुन लागेको निर्वाचनले यतिबेला सम्पूर्ण वैदेशिक रोजगार क्षेत्रको ध्यान तानेको छ ।

लामो समयदेखि संघभित्र देखिएको नेतृत्व विवाद, पदाधिकारीबीचको असमझदारी, बहुमत पदाधिकारीहरूको सामूहिक राजीनामा, कानुनी लडाइँ र संस्थागत अन्योलपछिको यो निर्वाचनलाई संघको मात्र नभई समग्र वैदेशिक रोजगार क्षेत्रको भावी दिशा निर्धारण गर्ने निर्णायक अवसरका रूपमा हेरिएको छ ।