बोलीमा रोटीबेटीको सम्बन्ध, व्यवहारमा दुई बोरा मल ल्याउँदा महिनादिन जेल

१० साउन, काठमाडौं । खेतमा हाल्न मल लिन गएका बलरा–५, सर्लाहीका सुरेशप्रसाद सिंह र नागेन्द्रप्रसाद सिंह कम्तीमा एक महिना भारतीय जेलमा रहने भएका छन् ।

भारतको सीतामढी जिल्लाको सोनबर्षाबाट १७ असारमा पक्राउ परेर भोलिपल्टै जेल चलान भएका उनीहरूको रिहाइको माग राखेर दर्ता भएको निवेदनमाथि १५ साउन (३१ जुलाई) मा बल्ल सुनुवाइ हुने भएको छ ।