एमबीएसको प्रश्नपत्र व्हाट्सएपमा सार्वजनिक गर्ने आरोपमा एक जना पक्राउ

काठमाडौं । त्रिभुवन विश्वविद्यालय (त्रिवि) अन्तर्गत व्यवस्थापन संकायको एमबीएस प्रथम सेमेस्टरको प्रश्नपत्र व्हाट्सएप समूहमा सार्वजनिक गरेको आरोपमा एक जना पक्राउ परेका छन्।

नेपाल प्रहरीको केन्द्रीय अनुसन्धान ब्युरो (सीआईबी)ले शिक्षा ऐन, २०२८ अन्तर्गत प्रश्नपत्रको गोपनीयता भंग गरेको कसुरमा कैलालीको घोडाघोडी नगरपालिका–११ घर भई हाल भक्तपुरको मध्यपुर थिमी नगरपालिका–१ बस्दै आएका ३३ वर्षीय सन्दीप सिंहलाई पक्राउ गरेको हो।