प्रेस स्वतन्त्रता सेनानी अर्जुन ज्ञवालीको निधन

काठमाडौँ । अग्रज पत्रकार एवं प्रेस स्वतन्त्रता सेनानी अर्जुन ज्ञवालीको निधन भएको छ । बुटवल निवासी ज्ञवालीको आइतबार काठमाडौँस्थित बी एण्ड बी अस्पतालमा उपचारका क्रममा निधन भएको पारिवारिक सदस्यले पुष्टि गरेका छन् ।

पञ्चायतकालदेखि नै स्वतन्त्रताका लागि संघर्षरत ज्ञवालीले मुलुकमा गणतन्त्र स्थापनाको पक्षमा अनवरत रूपमा कलम चलाउँदै आएका थिए । उनी नेपाली मूलधारका सञ्चारमाध्यमहरूका नियमित स्तम्भकार हुनुका साथै विभिन्न पुस्तकहरूका लेखक समेत थिए ।