अमेरिका र इरानबिच दोस्रो दिन पनि आक्रमण रोकियो : तेलको मूल्यमा भारी गिरावट

अमेरिका र इरानबिच विगत दुई हप्तादेखि जारी सैन्य द्वन्द्वमा केही राहत महसुस गर्दै दुवै देशले लगातार दोस्रो दिन पनि आक्रमण स्थगित गरेका छन्। लगातारको बमबारी अभियान रोकिएपछि विश्वव्यापी तेलको मूल्यमा ५ प्रतिशतभन्दा बढीले गिरावट आएको छ।

उता, अमेरिकी राष्ट्रपति डोनाल्ड ट्रम्पले सैन्य भण्डार घट्दै गएको र गोलाबारुदको अभाव भएको भन्ने रिपोर्टलाई ठाडै अस्वीकार गरेका छन्। वाल स्ट्रिट जर्नललाई जानकारी दिँदै उनले राष्ट्रको हतियार आपूर्ति वर्तमान आवश्यकताभन्दा धेरै बढी रहेको बताएका हुन्।