ओलीले प्रचण्डलाई भने : अहिल्यै एकता गर्दा कुरा बिग्रन्छ कि !

काठमाडौँ । प्रदेशहरूमा नेपाली कांग्रेस र नेकपा एमालेको गठबन्धन टुटेसँगै एमाले र नेकपाले सहकार्य गर्ने समझदारी गरेका छन् । त्यसका लागि एमाले अध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’ले शनिबार ३ बुँदे सहमति गरिसकेका छन् ।

ओली र प्रचण्डले हस्ताक्षर गरेको सहमतिपत्रमा पहिलो चरणमा पाँचवटा प्रदेश (कोशी, बागमती, लुम्बिनी, कर्णाली र सुदूरपश्चिम) मध्ये तीन वटामा एमालेको नेतृत्वमा र दुई वटामा नेकपाको नेतृत्वमा सरकार बनाउने उल्लेख छ ।