सहिष्मा खड्का मण्डला थिएटरदेखि फिल्मसम्म

नयाँ पुस्ताका कलाकारहरू आफ्नो मेहनत, समर्पण र निरन्तर संघर्षमार्फत पहिचान बनाइरहेका छन्। यस्तै उदाउँदो प्रतिभामध्ये एक हुन् सहिष्मा खड्का। रंगमञ्च, नृत्य र अभिनय क्षेत्रमा निरन्तर सक्रिय सहिष्माले छोटो समयमा नै दर्शकमाझ आफ्नो छुट्टै पहिचान स्थापित गर्न सफल भएकी छन्।

सहिष्माको कलात्मक यात्रा बाल्यकालदेखि नै सुरु भएको हो। प्रस्तुति कलाप्रतिको गहिरो रुचिले उनलाई औपचारिक रूपमा शास्त्रीय नृत्य सिक्न प्रेरित ग¥यो। उनले राष्ट्रिय नाचघरमा शास्त्रीय नृत्य प्रशिक्षण प्राप्त गरिन्। यही प्रशिक्षणले उनको आत्मविश्वास, प्रस्तुति क्षमता र कलात्मक अभिव्यक्तिलाई थप सशक्त बनायो।