आत्मदाह प्रयास गरेका धनगढीका युवकको काठमाडौं लैजाँदै गर्दा बाटोमै गयो ज्यान

धनगढी । कैलालीको धनगढी उपमहानगरपालिका–३ का युवकको आत्मदाह प्रयासपछि मृत्यु भएको छ। शरीरमा पेट्रोल छर्केर आगो लगाएका ३५ वर्षीय ज्योति चौधरीलाई थप उपचारका लागि काठमाडौँ लैजाँदै गर्दा धादिङमा मृत्यु भएको जिल्ला प्रहरी कार्यालय कैलालीले जनाएको छ।

प्रहरीका अनुसार चौधरीले साउन ९ गते साँझ करिब ७ः३० बजे घरभित्रै शरीरमा पेट्रोल छर्केर आगो लगाएका थिए। घटनालगत्तै आफन्तले उनलाई उद्धार गरी उपचारका लागि सेती प्रादेशिक अस्पताल, धनगढी पुर्‍याएका थिए।