पेट्रोल छर्केर आगो लगाएका धनगढीका युवकको काठमाडौं लैजाँदै गर्दा मृत्यु

धनगढी- कैलालीको धनगढी उपमहानगरपालिका–३ का एक युवकको आत्मदाह प्रयासपछि उपचारका क्रममा मृत्यु भएको छ ।

जिल्ला प्रहरी कार्यालय कैलालीका अनुसार ३५ वर्षीय ज्योति चौधरीले साउन ९ गते साँझ करिब ७:३० बजे आफ्नै घरभित्र शरीरमा पेट्रोल छर्केर आगो लगाएका थिए । घटनापछि परिवारका सदस्यले तत्काल उद्धार गरी उनलाई उपचारका लागि सेती प्रादेशिक अस्पताल, धनगढी पुर्‍याएका थिए ।