रुद्र गौरी श्री अम्बिका ओली प्रतिष्ठानद्वारा पुरस्कार घोषणा

काठमाडौँ । रुद्र गौरी श्री अम्बिका ओली प्रतिष्ठान भद्रपुर–७ झापाले वि.सं. २०८२ (सन् २०२५) का लागि प्रदान गरिने प्रतिष्ठित राष्ट्रिय पुरस्कारहरूको घोषणा गरेको छ । प्रतिष्ठानले एक विज्ञप्ति जारी गर्दै यस वर्षको ‘श्रीप्रसाद ओली स्मृति राष्ट्रिय/अन्तर्राष्ट्रिय प्रज्ञान पुरस्कार’ र ‘रूद्रप्रसाद ओली स्मृति राष्ट्रिय कृषि पुरस्कार’ प्राप्त गर्ने व्यक्तित्व तथा संस्थाहरूको नाम सार्वजनिक गरेको हो ।

प्रतिष्ठानका अनुसार आगामी २०८३ जेठ ३० गते काठमाडौँको भृकुटीमण्डपस्थित नेपाल पर्यटन बोर्डमा आयोजना हुने विशेष समारोहमा वितरण हुने पुरस्कारमा ‘श्रीप्रसाद ओली स्मृति राष्ट्रिय/अन्तर्राष्ट्रिय प्रज्ञान पुरस्कार’ (राशि रु.५,००,०००) शिक्षाविद् प्राध्यापक डा.सुरेशराज शर्मा र राष्ट्रिय आविष्कार केन्द्रलाई संयुक्त रूपमा प्रदान गर्ने निर्णय गरेको छ ।