सरकारी बेवास्तापछि स्थानीय आफैं जुटे, श्रमदानबाट मर्मत गरियो ३९ वर्ष पुरानो झोलुङ्गे पुल

मुगुको सोरु गाउँपालिका–९ स्थित कालै–कुलाहा झोलुङ्गे पुल आठ वर्षदेखि जीर्ण अवस्थामा रहेर स्थानीयवासी जोखिमपूर्ण यात्रा गर्न बाध्य भइरहेका बेला स्थानियहरुको श्रमदानबाट पुनः मर्मत गरिएको छ ।

राष्ट्रिय स्वतन्त्र पार्टी (रास्वपा) मुगु र स्थानियहरुको श्रमदानमार्फत पुल मर्मत गरी पुनः सञ्चालनमा ल्याइएको हो । वि.सं. २०४४ सालमा निर्माण भएको उक्त पुल जीर्ण बन्दै गएपछि सोरु गाउँपालिकाको केन्द्र सोरुकोट आवतजावत गर्ने वडा नं. ९, १० र ११ का स्थानीय प्रत्यक्ष प्रभावित हुँदै आएका थिए ।