धनगढीका मेयर गोपी हमालको घोषणा- गेटामा यही वर्ष एमबीबीएस पढाइ सुरु नभए म अनशन बस्छु

धनगढी - धनगढी उपमहानगरपालिकाका प्रमुख गोपी हमालले शहीद दशरथ चन्द स्वास्थ्य विज्ञान विश्वविद्यालय (गेटा) मा यही शैक्षिक सत्रदेखि एमबीबीएस अध्ययन सुरु नभए आफू अनशन बस्ने चेतावनी दिएका छन्।

सरकार र डा. गोविन्द केसी पक्षबीच विश्वविद्यालय सञ्चालनका विषयमा वार्ता भइरहेका बेला मेयर हमालले गेटा विश्वविद्यालय सुदूरपश्चिमका नागरिकको लामो समयदेखिको साझा सपना भएकाले अब थप ढिलाइ स्वीकार्य नहुने बताए।