स्रोत नखुलेको साढे ४ लाख रुपैयाँसहित विराटनगरबाट १ जना पक्राउ

विराटनगर । स्रोत खुलाउन नसकेको ४ लाख ५० हजार रुपैयाँ नगद र ई–साइकलसहित विराटनगरबाट १ जना पक्राउ परेका छन् । बरामद रकम अवैध हुन्डी कारोबारसँग सम्बन्धित हुनसक्ने आशङ्कामा प्रहरीले अनुसन्धान अघि बढाएको छ।

पक्राउ पर्नेमा विराटनगर महानगरपालिका–६ का ३४ वर्षीय श्यामप्रसाद साह रहेका छन् । मोरङ प्रहरीका सूचना अधिकारी डीएसपी मकेन्द्रकुमार मिश्रका अनुसार साहलाई आइतबार दिउँसो करिब २ बजे नेपाल–भारत सीमावर्ती क्षेत्र विराटनगर–१७ मटेरुवाबाट पक्राउ गरिएको हो।