काठमाडौंको तीनथानामा सवारी दुर्घटना, दुईजनाको मृत्यु

काठमाडौं । काठमाडौंमा आज बिहान भएको दुर्घटनामा दुईजनाको मृत्यु भएको छ । काठमाडौं चन्द्रागिरि नगरपालिका–१५ तीनथानास्थित सडकखण्डमा बिहान स्कुटर र मिनी ट्रक ठोक्किँदा स्कुटरमा सवार दुईजनाको मृत्यु भएको हो ।

मृत्यु हुनेमा चन्द्रागिरि नगरपालिका–१२ हरियाली बस्ने ४० वर्षीय दीपक नेपाल र चन्द्रागिरि नगरपालिका–१४ बस्ने ५६ वर्षीया शुभद्रा कुमारी नेपाल रहेको प्रहरीले जानकारी दिएको छ ।