प्रदेशलाई केन्द्रको पपेट बनाइयो, हामी त वडाध्यक्षभन्दा पनि निरीह भयौँ : जीवनबहादुर शाही

सुर्खेत । केन्द्रमा नेकपा एमाले र नेपाली कम्युनिस्ट पार्टी (नेकपा)बिचको सहमतिसँगै कर्णाली प्रदेशको सत्ता समीकरणमा अन्योल बढेको छ । केन्द्रमा दुई दलबिच सहमति हुनु अघि नै कर्णालीले आफ्नो भविष्यका बारेमा निर्णय लिइसकेको थियो ।

एमाले नेतृत्वको सरकारमा सहयोगी भूमिका निर्वाह गरेको नेपाली कांग्रेसले प्रतिपक्षी दल नेपाली कम्युनिस्ट पार्टीसँग मिलेर मुख्यमन्त्री यामलाल कँडेलविरुद्ध अविश्वासको प्रस्ताव दर्ता गराइएको थियो । यतिमात्र होइन, सोही अविश्वासको प्रस्तावमाथि छलफल गर्न आयोजित प्रदेश सभा बैठकमा मुख्यमन्त्री कँडेलले राजीनामा घोषणा गरे ।