बहुमत नपुग्ने भएपछि बागमतीमा नयाँ सरकार गठनका लागि दलहरूको कसरत

काठमाडौं । नेकपा (एमाले) ले नेपाली कांग्रेसलाई दिएको समर्थन फिर्ता लिएसँगै बागमती प्रदेशमा नयाँ सरकार गठनका लागि राजनीतिक दलहरूबीचको भेटघाट र छलफल तीव्र बनेको छ।

एक सय चार सदस्यीय बागमती प्रदेशसभामा सरकार गठनका लागि ५३ जना सांसदको बहुमत आवश्यक पर्छ। हाल प्रदेशसभामा नेपाली कांग्रेसका ३६, नेकपाका २६, नेकपा (एमाले) का २५, राष्ट्रिय प्रजातन्त्र पार्टी (राप्रपा) का १२, नेपाल मजदुर किसान पार्टी (नेमकिपा) का ३ र हाम्रो नेपाली पार्टीका २ सिट रहेका छन्।