सुनमा आज १४ सय र चाँदीमा ३५ रुपैयाँको वृद्धि

काठमाडौं। नेपाली बजारमा साताको पहिलो कारोबार दिन सुन तथा चाँदी दुवैको मूल्य वृद्धि भएको छ। नेपाल सुनचाँदी व्यवसायी महासंघले सोमबारका लागि सार्वजनिक गरेको मूल्यसूचीअनुसार सुनको भाउ प्रतितोला १ हजार ४०० रुपैयाँले बढेको हो।

महासंघका अनुसार सोमबार छापावाल सुन प्रतितोला २ लाख ८८ हजार ५०० रुपैयाँमा कारोबारका लागि निर्धारण गरिएको छ। यसअघि आइतबार यही सुन प्रतितोला २ लाख ८७ हजार १०० रुपैयाँमा कारोबार भएको थियो।