धनगढीका मेयर हमाल भन्छन्– ‘गेटामा तत्काल चिकित्सा शिक्षाको पढाइ नभए अनशन बस्छु’

कैलाली । धनगढी उपमहानगरपालिकाका मेयर गोपाल हमालले गेटास्थित शहीद दशरथ चन्द स्वास्थ्य विज्ञान विश्वविद्यालयमा चालू शैक्षिक सत्रदेखि एमबीबीएस कार्यक्रम र ३०० शय्याको अस्पताल तत्काल सञ्चालनमा ल्याउन सरकारसँग माग गरेका छन्।

यी दुवै काम समयमै अघि नबढे आफू पनि अनशनमा सहभागी हुने उनले बताएका छन्। मेयर हमालले सुदूरपश्चिमका नागरिकले लामो समयदेखि गुणस्तरीय स्वास्थ्य सेवा र चिकित्सा शिक्षाको पहुँचबाट वञ्चित रहनुपरेको उल्लेख गरे।