राष्ट्रिय सेवा दल विधेयकमा व्यापक हेरफेरका लागि संशोधन प्रस्ताव

काठमाडौँ । राष्ट्रिय सेवा दललाई थप व्यवस्थित, समावेशी र समयसापेक्ष बनाउन ‘राष्ट्रिय सेवा दल विधेयक, २०८३’ मा सांसदहरूले महत्त्वपूर्ण संशोधन दर्ता गरेका छन् । विधेयकमा प्रतिनिधिसभाका १४ सांसदले ७८ वटा बुँदामा संशोधन दर्ता गराउँदै सेवा दलको स्वरूप र कार्यक्षेत्रमा व्यापक परिवर्तनको माग गरेका छन्।

विधेयकको प्रस्तावनामा संशोधन प्रस्ताव गर्दै सत्तारुढ दल राष्ट्रिय स्वतन्त्र पार्टी (रास्वपा) का सांसदद्वय सुशील खड्का र नीतिमा भण्डारी कार्कीले सेवा दलमा सहभागी हुने उमेर हद स्पष्ट पार्न माग गरेका छन् । अब ‘विद्यालयमा अध्ययनरत विद्यार्थी’ मात्र नभई १३ वर्ष पूरा भई २१ वर्ष ननाघेका कुनै पनि योग्य नेपाली युवा यसमा सहभागी हुन पाउने व्यवस्था गर्न उनीहरूको प्रस्ताव छ।