ज्योतिर्मयीले जितिन् ‘इन्डियन आइडल १६’ को ताज

मुम्बई । ‘इन्डियन आइडल’को १६ औँ संस्करणको ताज ज्योतिर्मयी नायकले जितेकी छन् । उडिसाकी ज्योतिर्मयीले प्रतियोगितामा ताज सहित ट्रफी र नगद २० लाख (भारु) प्राप्त गरेकी छिन् । कार्यक्रममा ज्योतिर्मयीले ‘सैयाँ पकड बैयाँ’ गीत प्रस्तुत गरेकी थिइन् ।

प्रतियोगिताको अन्तिम एपिसोड अर्थात् फाइनल आइतबार रातमा सोनी टिभीमा प्रसारण भएको थियो । फाइनलमा मनराज वीर सिंह, ज्योतिर्मयी नायक र तनिष्क शुक्ला शीर्ष स्थानको प्रतिस्पर्धामा थिए ।