चन्द्रागिरीबाट ‘तीन तीघ्रे क्या बिग्रे’ को छायाङ्कन सुरु

काठमाडौँ । रघुजी फिल्म्सको ब्यानरमा निर्माण हुन लागेको फिल्म ‘तीन तीघ्रे क्या बिग्रे’को छायाङ्कन सुरु भएको छ । सोमबार चन्द्रागिरीबाट फिल्मको छायाङ्कन सुरु गरिएको हो ।

फिल्मको छायाङ्कन उपत्यकाको विभिन्न स्थानमा हुने निर्माता रघुनाथ सापकोटाले बताए । अमरदीप सापकोटाको लेखन तथा निर्देशन रहने फिल्ममा गायक पशुपति शर्मा, गायिका अन्जु पन्तकी छोरी परितोषिका पन्त, समिया कार्की, प्रभात लामा, पृथ्वीराज प्रसाईं, नरेश पौडेल, सृजना कोइराला, प्रजल दुलाल, गौतम महत, नीरज नेपाल, लेखान्त भुसाल, बिरबल घले, उत्तम केसी, सुनिल कटुवाल, निशान थापा, रविन बिमली, नारायण बिक, रेणु गुरुङ, विनोद केसी, सुरेश तिमल्सिना तथा राजु तिमल्सिना लगायतका कलाकारहरूको अभिनय रहनेछ।