स्थानीय इतिहास, भूगोल, लोकसंस्कृति र अभिलेखको दस्तावेज : ‘ताथली : भूगोलदेखि लोकसंस्कृतिसम्म’

इतिहास कुनै समाजको विगतको अभिलेख मात्र होइन, वर्तमानको आधार र भविष्यको मार्गदर्शक पनि हो। आफ्नो इतिहास, संस्कृति र पहिचान जोगाउन नसक्ने समाजले समयसँगै आफ्नो मौलिक अस्तित्व पनि गुमाउँदै गएको आजको तीतो यथार्थ हाे।

आज तीव्र शहरीकरण, आधुनिकीकरण र विश्वव्यापीकरणको प्रभावले स्थानीय सम्पदा, भाषा, संस्कृति, परम्परा र जनस्मृतिहरू क्रमशः ओझेलमा पर्दै छन्। यस्तो अवस्थामा स्थानीय इतिहासको खोज, तथ्यगत अभिलेखीकरण र नयाँ पुस्तामा त्यसको हस्तान्तरण गर्नु आजको आवश्यकता हाे। याे हाम्रो सांस्कृतिक दायित्व र ऐतिहासिक जिम्मेवारी पनि हो।